close
行到士多, 個天就已經落好大好大o既雨, 我地買完野食想走又走唔到, 結果問左士多老闆娘借左幾張櫈仔, 做咩呢??? 答案係等d雨停!!
點解次次同得得去旅行都落狗屎o既??同亞茵, bobo去又冇事wor~~
5個傻人唔知係度做咩, 啱啱影完獨立別墅有相機, 可以影下咁傻o既一刻!!
由於等極都唔停, 又唔可能坐係度咁耐, 唯有打道回府啦~但係就要做足安全措施啦~
傻人1, 著長褲就要摺起褲腳
傻人2, 唔想對鞋入水, 學佢啦, 都係一個好方法
結果做左咁多安全措施番到酒店, 大家都係濕左少少, 不過由於太大雨o既關係, 個個都唔想去浸溫泉, 係度做咩, 咪賭囉
我就好悶咁睇住佢地, 結果我都係頂唔順, 去左去周圍影下相...
酒店lobby
酒店周圍
差唔多時間啦~就食晚飯啦~不過, 發生一個小插曲, 食食下飯停電, 可能太大雨o既影響啦~食完飯, 番上房, 本身想去浸溫泉, 不過都一直落雨, 結果我地又係度玩自拍啦!!
影影下, 係窗外見到一d白衣人, 原來d團友見雨細左, 就去浸溫泉啦~ 我地都即刻換衫去浸啦~其實落雨浸溫泉又別有一番風味....
第二日o既午餐, 去左一個叫 "好义" o既地方食, 個名又真係幾得意
最後一個景點, 惠州梅菜街, 對面就係惠州西湖, 其實我好想去睇下架, 不過要去買手信, 所以係門口影張相~
大陸真係咩都有得食, 不過我就真係唔敢啦~
行程完結番羅湖解散, 今次真係舒服到不得了, 唔使等個導遊帶你去買野, 間酒店又ok, 可能冇咩大陸人啦!!
全站熱搜
留言列表
