Joey Lam 的部落格

今個星期唔知做乜~~ 成個星期失眠,冇得訓,一早落床訓都要4~5點先訓得着, 好彩放假,不過好辛苦呀!!以前唔知咩叫做失眠, 依家自己先感受到.........

9/11, 10/11 放假, 好開心呀, 好耐冇試過2日放假, 9/11我約左雯雯去街街, 我好耐冇見佢啦, 好掛住佢呀~~不過出到去, 乜都買唔到, 完全唔想買野~~冇購買慾.........我地行完街, 飲下下午茶, 就過左一個下午啦, 得得放左工就係旺角join我, 漫無目的行.........去到一個電腦商場, 有一間舗頭.......會有黑膠賣, 得得佢聽黑膠, 我地就入左間舗頭, 一睇就個幾鐘........不過得得就買唔到野啦, 反而比我搵到.............好開心呀.............呢首歌我好鍾意好鍾意, 返到屋企, 即刻聽, 真係好正呀, 同CDo既感覺好唔同.......................

踏入11月, 我發覺我身邊有好多家人, 朋友係呢個月生日~~~~~~~

10月18日-20日, 我同得得一齊番汕頭呀!!表姐個BB出世啦, 我做亞姨啦!!

一個月前, 知道danny summer開演唱會, 我已經叫得得快d去買飛, 第一, 佢地d hi-fi 人一定好欣賞danny summer, 第二, danny summer 係香港o既搖滾之父, 得得實想去睇(佢o既第一偶像係達明一派, 一樣都係玩電子音樂) 對於我黎講, danny summer佢出道同佢紅o既時候, 我都唔係好識欣賞音樂(唔係我年代)........ 呢兩年, 我覺得香港識唱歌o既人好似唔係好多, 我都係鍾意以前d歌手多d,  舊歌始終好聽d........可能d人會話我老餅,但係我都唔知點解, 我對以前d歌感覺大d, 去到卡拉ok, d 新歌都唔知邊個唱,  我唱親都係舊歌......

去到紅館, 一入到去, 都知今晚有好多靚歌聽, 舞台實而不華, 唔會有太多搞作, 不過無可否認, 有好多歌我都未聽過, 佢唔係我年代o既人, 不過我好enjoy佢o既音樂班底, 好勁......亦都有好多surpirse, 冇諗到劉以達會做嘉賓,冇諗到會有我鍾意o既 joey tang,冇諗到 kelly jacky 唱live 都ok.....全晚最感動係講到林振強,黃霑,家駒,羅文,梅艷芳離開我地個part......香港真係少左好多好o既音樂人.........

今年2/9同bobo , 鵬鵬, 鵬鵬朋友, 得得一齊係西貢jaspus食飯, 唔知點解對呢間餐廳情有獨鍾,每年生日我都會選擇係呢度同d朋友食飯, 今年除左慶祝我生日之外, 仲有係慶祝認識鵬鵬一週年紀念

1/9 Sat, 今年提早搞生日, 因為正日係星期一, 好多人都要番工, 所以我決定提早一日慶祝, 今年有個特別, 仲有一個人同我一齊慶祝, 佢同我同年同月同日生日, 我咁大個女都未遇過............